Teny
Anarana
Eva
Fitenim-paritra
Voambolana
Sokajin-teny
Fototeny
Sampanteny
Ohabolana
Haianarantany
Rakibolana
Fitsipi-pitenenana
Lahatsoratra
Fafana sy Tsanganana
Sary
Bibliôgrafia
Habaka
Pejy fandraisana
Mpiara-miasa
Fanontaniana
Fiovàna
| 
| 
| 
| 
Teny iditra mpanjono (jono)
Sokajin-teny anarana
Famaritana malagasy Olona manao ho antom-pivelomana ny fakana hazandrano [Rajemisa 1985]
Famaritana anglisy a fisherman (with hook and line) [Hallanger 1973]
Famaritana frantsay pêcheurà la ligne [Hallanger 1974]
Kamban-teny, lohateny, anarana 
Rajaobelison: Mpanjono      
Ohatra 
1Mpanjono sy mpihaza trozona ny ankamaroan' ny lehilahy fa ny zaza amim-behivavy ihany no matetika miantoka ny fambolena. [Randriamamonjy: Tantara, takila 272]
2Mitondra mpanjono ve izy ireny? [FOFAFIPE: Tongavola, takila 95]
3Aleoko ihany lahy mpanjono mitoetra lalandava eo akaikiko, hoy Ikemba, sady nidongy kely izy. [Rajaonarivelo: Bina, takila 15]
Teny nalaina Ohabolana misy io teny mpanjono io
Teny iditra Mpanjono
Sokajin-teny anarana (lohatenin-tononkalo)
Mpanoratra Rajaobelison Samuël
 
Ery amoron-kelodrano.
io tazano ilay mpanjono.
Fintan-telo indray mamahatra
no milahatra
anoloany.
Elo manga miofon'andro
ambony loha;
alokaloka mandeha
zary loko manaratsy
iretsy rahavavy anila:
maitso, vony, mena, fotsy,
eny ho eny mampihaingo.
Haron-kely mihorom-bava,
feno vatsy,
sy tavoahangin-dranovola,
mifanondana etsy ivoho.

Hendratra izy ka nisintona,
nefa indrisy! efa lany izany jono!
Dia hirintona
hiala? Sanatria,
Miempo ho'aho ny tambaviny,
ka tsy an-kiato
ny fifiokan' ireo tady
feno kankana farango.
Injany mamango.
Dia mampakatra; nefa trondro sarim-pirina
no indry mipelapelaka
toa pitipiti-bolafotsy.
Kely loatra, hatao ahoana?
'Ndao hatsipy mba hiverina.

Kilalao mamono andro,
ontam-po mampihomehy,
piti-drano an-tarehy!
Kanto, hono!
Raha izaho no tsy mahazo
dia hariako mbamim-pintana.
Saingy izy hafa loatra!
Trondro, trondro, trondro ihany
no tsy afaka ao an-tsainy.

Dia manainga vao maraina,
velon-tsioka, velom-bolo,
hanadino ilay tontolo
sy korontany tsy lany.
Hiresaka
amim-boahary sy ny lokony;
hikirozaroza tongotra
ery amoron-kelodrano.
Voambolana Haisoratra: tononkalo
Tsanganana sy sary iray takila Ny lohateny rehetra
Nohavaozina tamin' ny 2020/02/02