Teny Fitenim-paritra Fototeny Rakibolana Sary Takila fandraisana
Anaran-tsamirery Voambolana Sampanteny Fitsipi-pitenenana Bibliôgrafia Mpiara-miasa
Eva Sokajin-teny Ohabolana Lahatsoratra Habaka Fanontaniana
Fivaditsoratra Haianarantany Fafana sy Tsanganana Fiovana
|
|
|
|
Teny iditra (1/2)1  amena
Sokajin-teny  2  anarana
Fanazavàna teny malagasy  3  [1.1] Teny hebrio izay fahita amin' ny fiafaran' ny vavaka fanaon' ny kristianina, ka ny heviny dia hoe: Ho tanteraka anie izany
Ohatra  4  Vita ny amena, dia tapitra ny ainy. [2.649]
5  Ary ravehivavy hanao hoe: amena, amena. [2.996]
Voambolana  6  Fivavahana, finoana
Lohateny  7  Amena (Raoely James)
Teny iditra (2/2)8  Amena
Singan-teny  9  amena
Sokajin-teny  10  anarana (lohatenin-tononkalo) [Fitanisana]
Voambolana  11  Haisoratra: tononkalo
Mpanoratra  12  Raoely James
Lahatsiratra manontolo 
13  Tsy avona akory no mitondra
14  iny rahona iny hisavoana,
15  Fa mba toa azy koa ny foko,
16  maniry hisondrotra ambony!

17  Tonga ny taona vaovao
18  mitondra hira mavokely
19  hokaloin'ny voron'alina,
20  sombinaiko ô, mifohaza!

21  Avelao ny alahelo sy ranomaso
22  hoentin'ny reniranom-panadinoana,
23  Fa misy kintana iray baliaka
24  toy ny masonao diavolana,
25  hitarika antsika ho teraka indray
26  ao amin'ny fanantenana vaovao.

27  Amin'ny tany triatran'ny ririnina
28  no hamelatra indray ny voninkazo.

29  Sombinaiko ô, iriko ho anao
30  taona iray feno hanitra sy hira.
31  Iriko ho anao lanitra menafify
32  hampialona ny laoranjy masaka,
33  sy feon-dokanga mihararetra, miakatra
34  toy ny vavaky ny ankizy hatory.
35  Iriko ho anao ny fotoana mamy
36  hiverenan'ireo lasan-davitra;
37  ary ny tanana iray malefadefaka
38  hitondra safosafo eo an-dohanao
39  mivesatra ny onjan'ny tany.

40  Dia hiarahantsika manandratra
41  Ny Amena fiton'ny fitiavana .
Fivaditsoratra  42  amena, Amena, mañea
Nohavaozina tamin' ny 2025/02/08