Teny iditra ririnina
Sokajin-teny anarana
Fanazavàna teny malagasy Fizaran-taona mangatsiaka, manarakaraka ny fararano, izay iririsan' ny fanala ny ravin-kazo ka mahatonga azy hihintsana: rakodrahona matetika ny lanitra ary mifafy ny erika arahindrivotra mamirifiry avy atsimo atsinanana; hatramin' ny volana jiona ka hatramin' ny aogositra no aharetan' ny ririnina. (Ny ririnina dia antsoina koa hoe: main-tany) [Rajemisa 1985]
Fanazavàna teny anglisy winter, the cold and dry season [Hallanger 1973]
Fanazavàna teny frantsay l'hiver, la saison froide et sèche [Hallanger 1974]
Voambolana 
Sampanteny 
Haiendriteny 
ririnina
ririnim-
ririnim'
ririnin-
ririnin'
-dririnina
-dririnim-
-dririnim'
-dririnin-
-dririnin'
Mpitovy hevitra main-tany
Kamban-teny, lohateny, anarana 
Mpanahaka  lohataona ~ fahavaratra ~ fararano
Ohatra 
1natahorana hosovoka vao maraina ny hatsiaka noho ny fiandohan' ny ririnina. [Rakotonandrasana: Tantsaha, takila 56]
2Ny ririnina nanaraka iny fahavoazana niraisana iny mantsy, nanorina trano biriky ngezabe ry zareo. [Andraina: Mitaraina, takila 28]
Teny nalaina 

Teny iditra Ririnina
Sokajin-teny anarana (lohatenin-tononkalo)
Mpanoratra Andrianjatovo Haëckel
Voambolana 
Tsanganana sy sary iray takila Ny lohateny rehetra
Lahatsoratra Nankaiza ny tsiky, ny lanitra manga
No be sorisory sy maloka lava?
Somparan'ny rahona ka tsy mitranga
Ny fara-masoandro natao hanazava

Nankaiza ny ravina, elon'ny hazo
Ny vony mivelatra, radon'ny saha?
Finaokan'ny rivotra fa efa malazo
Tsy ho hitan'ny mason'ny tia zahazaha

Mangina ny feo mikotaba ao an'ony
Fitopa malefaka sy eri-mitaika
No reko mahalana, tony dia tony
Nankaiza ny riana mahery fiantraika?

Ny tampon-tanety nahoana no ngazana?
Ny tendron-kavoana no mangadihady?
Mahaiza mandinika rehefa mitazana
Ny fotoa-mamanala efa tonga sahady

Izany ka izany no tsy andrenesana
Ny vazon'ny vorona zatra mihira
Matahotra hatsiaka sy fahafatesana
Ka lasa mihataka arý an-dakira

Izany ka izany no tsy ahitana
Aina marisika, vonon-kiasa
Ny andro kanefa dia mbola hafana
Ny hatsiakan-dririnina koa ho lasa

Nohavaozina tamin' ny 2021/04/13